ഒരു ഊമ കത്ത്

ബിൻസി കൊച്ചേ...

എനിക്ക് നിങ്ങളെ ഇഷ്ടമാണ്... കാരണമൊന്നുമില്ല ... വഴിയിൽ തടഞ്ഞു നിർത്തില്ല, പ്രേമലേഖനമെഴുതില്ല, ഒന്നും ചെയ്യില്ല... ഒരു ബന്ധവും സങ്കല്പിക്കാതെ, വെറുതെ, എനിക്ക് നിങ്ങളെ ഇഷ്ടമാണ് !!

ഒരിക്കലും തിരിച്ചു വരില്ലന്നറിഞ്ഞിട്ടും പ്രതീക്ഷയോടെയുള്ള കാത്തിരിപ്പിന്റെ കഥ പറഞ്ഞ എം.ടി യുടെ മഞ്ഞിലെ വരികളാണ് ഇതിപ്പോ ആരാ എനിക്ക് ഇങ്ങനൊരു എഴുത്ത് എഴുതാൻ എന്നല്ലെ കൊച്ച് ആലോയിക്കുന്നേ 😁 നമ്മളെവിടാ കണ്ടേന്ന് ഓർക്കുന്നുണ്ടോ ? ഒഴിവാക്കി വിട്ട ചെക്കന്മാരെയൊക്ക ഓർമ്മയുണ്ടോ ?, ഇനി ആ കൂട്ടത്തിൽ ആരേലും ആണോ ? അലോയിച്ച് വട്ടാക്കെണ്ടാ ഹേയ് നമുക്ക് ഏതേലും വട്ടത്തിൽ കൂട്ടിമുട്ടാം ബൂമിയൊരു ചെറിയ വട്ടമാണല്ലോ ❤️

പൊറന്നാൾ ഒക്കെ എങ്ങനെ ഇണ്ടാരുന്നു ഇന്നെത്രാ പേരെ സന്തോഷിപ്പിച്ചു ♥

വരപ്പിൻ്റെം പാട്ടിൻ്റെ അസ്കിതയുണ്ടെന്നൊരു കരക്കമ്പി കേൾക്കുന്നുണ്ടല്ലോ ഉളളതാണോ ? ചില്ലറ എഴുത്തും വശമുണ്ടല്ലേ കൊളളാം നന്നായിരിക്കട്ടെ 😘

ഹയ് മിസ്റ്റര്‍ ദേ ദിവളുടെ സ്റ്റാറ്റസിൻ്റെ അറ്റത്ത് കണ്ടതാണ് ഇങ്ങളെ എന്നാ പിന്നെ ഒരു എഴുത്ത് സെറ്റാക്കാന്ന് ദേ മുന്നിൽ മഞ്ഞിരിക്കുന്നു ചെറിയൊരു കയ്യബദ്ധം ആരോടും പറയണ്ടാ കേട്ടാ .!

പിറന്നാള്‍ ആശംസകള്‍ മുത്തുമണി ❤️ ഒത്തിരി സ്നേഹത്തോടെ 

ഒരു അഭ്യൂദയകാംഷി 

ഒപ്പ്

Nb: കൊറോണാ ആ വഴി വന്നാൽ ഞാൻ തിരക്കീന്ന് പറ 😬

(ജൂലൈ 12, 2020 യിൽ എന്റെ പ്രിയ സുഹൃത്ത് എലിസബത്ത് ജോസഫ്   എനിക്ക് ജൻമദിനാശംസകൾ ഒരു ഊമ കത്തായി  സമർപ്പിച്ചപ്പോൾ...)

എനിക്ക് ഒരു രഹസ്യം പറയുവാനുണ്ട്...

 വ്യത്യസ്തമായ അനുഭങ്ങളുടെയും സ്വകാര്യങ്ങളുടെയും കള്ളത്തരങ്ങളുടെയും കലവറയാണ് മനുഷ്യന്റെ മനസ്സ് . തുടർച്ചയായ ഇരമ്പി അലയടിക്കുന്ന കടൽ പോലെയാണ്. അത് വറ്റാത്ത കടൽ പോലെ ആഴവും വിസ്തീർണ്ണവുമുള്ളതാകുന്നു. സ്വന്തം മനസ്സിൽ മാത്രം ഇരുളറയിൽ മറപിടിച്ച് മൂടിക്കിടക്കുന്ന ആ രഹസ്യങ്ങളെയും ആ വിങ്ങുന്ന നൊമ്പരങ്ങളെയും അണപൊട്ടിയ വെള്ളക്കെട്ടു പോലെ പലപ്പോഴും പലരോടും തുറന്ന് പറയുവാൻ ആഗ്രഹിച്ചിട്ടുണ്ട്. എന്നാൽ ചിലരുടെ നൊമ്പരങ്ങൾ ഇന്നും താൻ വിശ്വസിക്കുന്നവരുടെ ഹൃദയത്തിൽ നിങ്ങളുടെ വിശ്വാസമെന്ന പോലെ അത് സുരക്ഷിതമെന്ന് കരുതാം. ദിശയില്ലാത്ത കാറ്റു പോലെ ഇന്നും നീറുന്ന നൊമ്പരവുമായി ആരോടും പങ്കുവെക്കുവാൻ കഴിയാതെ നിരാശപ്പെടുന്ന അനേകർ ഉണ്ട്. അവരോട് എനിക്ക് ഒരു രഹസ്യം പറയാൻ ഉണ്ട്. ഈ ലോകത്തിലെ സകല ജീവജാലങ്ങളും ചരാചരങ്ങളും അതിന്റെ സൃഷ്ടിയുടെ പൂർണ്ണതയിൽ ഈ ഭൂമിയിൽ ജീവിക്കുമ്പോൾ എന്തിനാ നീ മാത്രം പൂർണ്ണതയില്ലാതെ ജീവിക്കുന്നത്. യജമാനൻ ദാസനോട് എന്നപോലെ രാജാവ് തന്റെ പ്രജകളോടെന്നപോലെ നിന്നോട് സ്നേഹവും വിശ്വസ്തയും പുലർത്തുന്ന ഒരുവൻ ഈ ഭൂമിയിലിൽ വസിക്കുന്നുണ്ട്. നിന്നെ ഭൂമിയിലേയ്ക്ക് ക്ഷണിച്ചവൻ..നിന്റെ ക്ഷണിതാവ്... നിന്റെ ഹൃദയത്തിലെ വികാരങ്ങളെയും വിചാരങ്ങളെയും വിവേചിച്ച് അറിയുന്നവൻ... അവൻ ആൽഫയും ഒമേഗയുമാണ്. നിനക്ക് ആരോടും പറയാൻ കഴിയാതെ ഹൃദയത്തിൽ കനൽ പോലെ നീറുന്ന... നിന്നെ നീറ്റുന്ന രഹസ്യമുണ്ടോ..?  എങ്കിൽ നീ നിന്റെ അറയിൽ കയറി വാതിൽ അടച്ച് ...നിന്റെ കണ്ണുകളെ മെല്ലെ അടച്ച്... നിന്റെ നഗ്നനേത്രങ്ങൾ കൊണ്ട് കാണുവാൻ കഴിയാത്ത രഹസ്യത്തിലുള്ളവനോട് നിന്റെ ഹൃദയത്തെ  തുറക്കുക... നിന്റെ  നൊമ്പരങ്ങൾ അവന്റെ ഹൃദയത്തിലേയ്ക്ക് പകരുക... കരഞ്ഞു തളരുമ്പോൾ ആ മാറിലേയ്ക്ക് ചായുക... അവൻ നിന്റെ കണ്ണുനീരിനെ തുടക്കും. അതെ... അവിടെ നിന്റെ സകല നൊമ്പരങ്ങളും വേദനകൾക്കും അറുതി വരും.. അവിടെ നിന്റെ രക്ഷ വെളിപ്പെടും... അപ്പാ... പിതാവേ... എന്ന് വിളിച്ച് നിന്റെ നഗ്നരഹസ്യങ്ങളെയും നൊമ്പരങ്ങളെയും പകരുവാൻ കഴിയുന്ന...ഈ ഭൂമിയിലും സ്വർഗ്ഗത്തിലും വസിക്കുന്ന സർവ്വ ശക്തനായ ദൈവം!!!

👉DO YOU HAVE A TEAR BOTTLE❓

Hey Man...Your days are finite

Your days are  full of miseries, joy, sorrows, hope and so on...

It's like  a ship in the sea ,

 sometimes, it can't be controlled by captain's hands.

 And sometimes it gets controlled by the waves itself.

 Do you have wine bottle?

And no one pours new wine into old wineskins.

 For it would burst out of the pressure, 

spilling the wine and ruining the skins.

 New wine is stored in new wineskins 

so that both are preserved.

Do you have a tear bottle? 

Is it precious for you?

No man wishes to collect tears in his Muddy Body itself.

For it dissolves speedily when it is wet.

Can you collect those tears in a bottle?

Man can  only weep 

Your tears might damp your attire 

Those drops may soften  the hearts of the people who can't find a curative.

But, it just takes the wink of an eye's time for Him to change your unending tears to ceaseless joys.

Yes!!! He can collect all your tears in His bottle.

He will lift you from the abyss of despair to show you the rays of happiness 

Leave your clay to that Potter's hand, 

He can  work with His hands.

He will mould you  and 

He can transform a slum into a palace with your clay.

Can you drop tears for God? 

can you drop  tears in your  secret room?

If yes!!!

Let's pray to fill that Bottle in His hands!

*Please mention ur name if u have comment.

HAPPY BIRTHDAY AMMA..

When she gets older,

Our memories get old,

but our love become new.

One only broods me from all pangs,

Take me way from the world of evil,

Am the heroine, in the world ,

from her womb..

But  am powerless, without her.

Arise me to the world of knowledge,

like phenoix.

Once I can't breath without her,

Can full my appetite with her, sleep with the warmth of her blood.

 But,still beating of her heart,

Her eyes are blinking ,

Her  folded skin are sweating,

Her legs are walking around my surroundings, only for me.

She was smiling when I saw her ....but i was crying,

cruel hand of nurses separate me from womb.

But it was the mercy of God.

O'mom,am with u for ever....till my last breath....

Will count your heart ,how long i can breath for me.

O 'Almighty, u r clever...who choose me her as my mother..blessed me forever..

Happy birthday Mom...Queen  of my world...I love u ammma.....

ഒരു നല്ല വിരുന്നുക്കാരൻ ആകാമോ?

എന്റെ പ്രിയന്...

എൻ പ്രിയന്,

നിനക്ക് സുഖമാണെന്ന് വിശ്വസിക്കുന്നു. നഗ്നനേത്രങ്ങൾ കൊണ്ട് കാൺമാൻ കഴിയാത്ത കോവിഡ്-19 എന്ന മഹാവില്ല നെ ഭയന്ന് നാല് ചുവരുകളിക്കുളളിൽ ഒതുങ്ങി നിന്റെ സ്വപ്നങ്ങളിലായത്  കൊണ്ടാവണം  എന്നെ മറന്നത്. നിന്നോട് സ്നേഹ സംഭാഷണം നടത്തിയ നാൾമറന്നു. എന്റെ സ്വപ്നത്തിന് അനേകം നിറം പകർന്നതിൽ ഒരാൾ നീയാണ്. അനേക നിറം കലർന്ന ആ  സ്വപ്നം ഒരുനാൾ ചിത്രശലഭമായി വാനിൽ ഉയരുമെന്ന് ഞാൻ കൊതിച്ചു. ആ സ്വപ്നസാഫല്യത്തിനായി ഞാൻ ഇന്നും എന്നും കാത്തിരിക്കും. അതിനു മുമ്പേ ആ സ്വപ്നം നീയുമായി പങ്കുവെയ്ക്കാനും എനിക്ക്  ആഗ്രഹമുണ്ട്. നിന്റെ ഓർമ്മയിൽ പോലും ഞാൻ ശേഷിക്കുന്നതായി എനിക്ക് തോന്നുന്നില്ല. ജനനവും മരണവും യഥാർത്ഥമായി കരുതി ജീവിതത്തെ തന്റെതായ ലോകഇഷ്ടങ്ങളും സ്വാർത്ഥമോഹങ്ങൾ കൊണ്ടും നിറമേകി ജീവിക്കുവാനല്ല ഞാൻ ആഗ്രഹിക്കുന്നത്. എനിക്ക് നിന്നെക്കുറിച്ച് വലിയ പദ്ധതിയുണ്ട്. അത് ഈർപ്പത്തിൽ നിലപതിക്കുന്ന ചെതൽപ്പുറ്റ് പോലെയല്ല . പണ്ടൊരുന്നാൾ നിന്റെ പൂർവ്വ പിതാവിന്റെ മൺകൂടാരത്തിൽ എന്റെ ശ്വാസം ഊതി ജീവനെ കൊടുത്തു.  അവൻ ആഗ്രഹിക്കുന്നതിനും നിനക്കുന്നതിലും അപ്പുറമായി  എനിക്കുള്ളതൊക്കെ ദാനം ചെയ്തു. എന്നാൽ അവനോ എന്നെ നിമിഷങ്ങൾക്കുള്ളിൽ മറന്നു കളഞ്ഞു. ആ പാരമ്പര്യത്തിൽ ഉൾപ്പെടുന്ന നിന്നെപ്പോലുള്ള അനേകർ എന്നെ വിട്ട് ഓടി പോയി. നിത്യമായ ഇരുളിന്റെ അന്തകാരത്തിലേയ്ക്ക് അവർ ഓടി മാഞ്ഞു . നിന്നോടുള്ള സ്നേഹത്തിൽ കുതിർന്ന കണ്ണുനീരും എന്റെ ഹൃദയത്തിലെ നിലവിളിയും ആരും കണ്ടില്ല. ഒടുവിൽ ഞാൻ എന്റെ ഏകജാതനായ ഓമന കുമാരനെ  നിങ്ങൾക്ക് യാഗമായി തന്നു. ആ നിത്യയാഗത്തിലൂടെ എന്റെ ആത്മാവിനെ നിന്നിൽ പകർന്നു. നിന്റെ ഓരോ ശ്വാസത്തിലും ജീവന്റെ തുടിപ്പിലും ഞാനുണ്ട്. അങ്ങനെ ഞാൻ നിങ്ങൾക്ക് ഒരു നിത്യമായ ഒരു വാസസ്ഥലം ഒരുക്കി. എന്റെ ആത്മാവിലൂടെ നീ എന്നോട് സ്നേഹത്തിൻ ആഴിയിൽ കടക്കും എന്ന് ഞാൻ കരുതി. എന്നാലോ നീ പലപ്പോഴും എന്നെ മറന്നു കളയുന്നു. നിന്റെ ആയുസ്സു പുല്ലുപോലെയാകുന്നു. വയലിലെ പൂപോലെ നീ പൂക്കുന്നു. കാറ്റു അതിന്മേൽ അടിക്കുമ്പോൾ അതു ഇല്ലാതെപോകുന്നു. അതിന്റെ സ്ഥലം പിന്നെ അതിനെ അറികയുമില്ല. നീ ഇന്ന് മരിച്ചാൽ നിന്നെ ഓർക്കുന്നവരും അല്പകാലത്തേയ്ക്ക് മാത്രം. നിന്റെ അകൃത്യമൊക്കെയും ഞാൻ മറന്നിരിക്കുന്നു. നിന്റെ ഇന്നലെകളെ ഞാൻ ഓർക്കുന്നില്ല. നാളെകളെ എനിക്കായി തരുക. എനിക്ക് നിന്നെ ആവിശ്യമുണ്ട്. എന്റെ ഹൃദയത്തിലെ രഹസ്യങ്ങളെ ഈ ലോകത്തോട് പ്രകാശിപ്പിച്ചു കൊടുക്കുവാൻ ഒരുവനെ എനിക്ക് ആവശ്യമുണ്ട്. എന്റെ പുത്രൻ നിത്യമായി മരിച്ചു എന്ന് അനേകർ വിധിക്കുമ്പോഴും വിശ്വസിക്കുന്നവരെ കൂട്ടി ചേർക്കുവാൻ അവൻ വിശ്വസിക്കുന്നവരുടെ ചാരെ വരും. എന്റെ ഉപകാരങ്ങൾ ഒന്നും മറക്കാതെ നീ തിരികെ വരും  എന്ന പ്രതീക്ഷയോടെ,  

നിന്റെ സ്വർഗ്ഗത്തിലെ പിതാവ്.

അങ്കിൾ...

സൂര്യാസ്തമയത്തിൻ്റെ ചെറുചൂടിൽ പട്ടണത്തിൻ്റെ ഞെരുക്കത്തിൻ്റെ നടുവിൽ ആയാസപ്പെട്ടു നിൽക്കുന്ന  ഒരു ചെറു ചായക്കട. പ്രായം കൊണ്ടു അനുഭവസ്ഥനായ ആ ചായക്കടക്കാരന് പറയാൻ ആയിരം കഥകൾ കാണും. ജീവിതപാഠത്തിന് അപ്പുറം ദൈനദിന കാഴ്ച്ചകൾ കണ്ടു മടുത്ത ഉറച്ച മനസ്സിന് ഉടമയായായിരുന്നു അയാൾ. ഉച്ച വിശപ്പിനെ
അടക്കുവാൻ ഞാനും എൻ്റെ പ്രിയ സുഹൃത്തും ആ കടയിൽ കയറി.
"ചേട്ടാ... ഒരു പഴംപൊരി..."
വിശപ്പിൻ്റെ ആഘാതത്തിൽ ശബ്ദവും ഉയർന്നു. ചായയും പഴംപൊരിയും കഴിക്കുമ്പോഴാണ് പെട്ടെന്ന് ഞങ്ങളുടെ കണ്ണുകളളിൽ ആ കാഴ്ച്ച ഉടക്കിയത്. പരിഷ്കാരത്തിൻ്റെ മുൾമുനയിൽ ജീവിക്കുന്ന ചെറുപ്പക്കാരൻ. നീല ജീൻസും വെള്ള ഷർട്ടും  പോരാത്തതിന് ഒരു കൂളിങ് ഗ്ലാസ്സും വെച്ചിട്ടുണ്ട്. ഇരു കൈകളും നീല കോട്ടൻ്റെ വശങ്ങളിൽ പിടിച്ചിട്ടുണ്ട്. ഒറ്റ നോട്ടത്തിൽ ഏതോ അധികാര കസേരയുടെ ഉടമയേപോലെയുണ്ട്. അഹങ്കാരത്തിന് ഒട്ടും കുറവുള്ളതായി ആർക്കും തോന്നുകയില്ല. പെൺകുട്ടികളുടെ തലയിലെ "ബോ" ആകൃതിയിൽ എടുപ്പോടെ ഇരിക്കുന്ന വെള്ള ഇയർഫോൺ ചെക്കൻ്റെ തലയുടെ ആകൃതിയെ തന്നെ മാറ്റി കളഞ്ഞു. ഓടി വന്ന അയാൾ ചായ കടക്കാരനോട്...
"അങ്കീൾ...?"
"അങ്കിള്ളിന് സുഖമാണോ?"

കുടിച്ച് കൊണ്ടിരുന്ന ചായ അയാളുടെ വിളിയുടെ ആഘാതത്തിൽ തെറിച്ച് പോയി..
അയാൾ തുടർന്ന്...
"അങ്കിൾ.... മറ്റെ അങ്കിളിനെ കണ്ടോ?"

വളരെ ബുദ്ധിമുട്ടോടെയാണ് ചായക്കടക്കാരൻ മറുപടി പറഞ്ഞത് എന്ന് എനിക്ക് നല്ലതുപോലെ മനസ്സിലായി. ഞങ്ങൾ ഇരുവരും ചിരിയടക്കുവാൻ കഴിയാതെയായി. പെട്ടെന്ന് അയാൾ ചിന്നക്കടയുടെ ഇടവഴിയിലേയ്ക്ക് മറഞ്ഞു.
ഞങ്ങളുടെ ചിരി കണ്ടപ്പോൾ ചായക്കടക്കാരൻ സംശായാസ്പദമായി ചോദിച്ചു.

"അറിയിമോ.. മോളേ.. അവനെ..?"
ഇനിയും സ്വന്തം മോൻ ആണെങ്കിലോ.. ഞങ്ങൾ ഒന്ന് ഞെട്ടി.
അയാൾ തുടർന്നു...
മോളെ .. അല്പം "ക്രാക്ക്" ഉണ്ട്.

"എന്താ ചേട്ടാ ..? "ഞാൻ കാര്യം തിരക്കി.

"മോളെ ഉള്ളത് ഞാൻ പറയാം... അവന് ക്രാക്കാണ്. കഴിഞ്ഞ ആഴ്ച്ച റോഡിൻ്റെ മറുവശത്ത് വെച്ച് അയാൾ വെറെ ഒരു മധ്യവയസ്ക്കനുമായി കുറച്ച് സംസാരമുണ്ടായി. അത് ഞാൻ കണ്ടു എന്ന് അവന് മനസ്സിലായി. സത്യത്തിൽ മറ്റവനും എന്തോ ഇത്തിരി "ക്രാക്ക്" ഉണ്ട്. അന്ന് മുതൽ ആഴ്ച്ചയിൽ ഒരു തവണയെങ്കിലും ഇവൻ ഇതുവഴി പോകും. കടയിൽ കയറിയിട്ട്
" എക്സ് ക്യൂസ് മീ ...അങ്കിൾ.... അങ്കിൾ മറ്റെ അങ്കിളിനെ കണ്ടോ? എന്ന് ചോദിക്കും..
ഞങ്ങൾ പൊട്ടി ച്ചിരിച്ചു.

"മോളേ...ഇപ്പോൾ ഇത് അവനും ശീലമായി.. എനിക്കും ശീലമായി.."

കാലത്തിൻ്റെ മാറ്റത്തിന് ഒപ്പും വേഷം മാറേണ്ടി വന്ന ചായക്കാരന് പറയുവാൻ ഇനിയും ആയിരം കഥകൾ ആ നാവുകളിൽ വിതുമ്പുന്നുണ്ടായിരുന്നു. "ഇവിടെയിരുന്നാൽ എന്തോക്കെ " ടൈപ്പ്" ആളുകളെ കാണാം." അയാളുടെ മറുപടിയിൽ എല്ലാ അനുഭവങ്ങളും ധ്വനിക്കുന്നുണ്ടായിരുന്നു.