ഈ ഉലകിൻ അന്ധകാരത്തിൽ
ഞാനേകയായി മാതൃപാത്രത്തിൽ പിറന്നപ്പോഴും
ഉലകസ്ഥാപനത്തിൻ മുൻപേ
അവൻ എന്നെ കണ്ടതിനാൽ ഞാൻ ഇന്നും ജീവിക്കുന്നു
അവന്റെ അത്ഭുത പ്രാകാശത്തിൽ!
പാപത്തിൻ കെണികൾ എന്നെ തറച്ചിട്ടും
അന്തകാരത്തിൻ ചങ്ങലകൾ എൻ കാലുകളെ ബന്ധിച്ചിട്ടും
ഞാൻ ഇന്നും ജീവിക്കുന്നു
അവന്റെ ക്രൂശിലെ സ്നേഹത്തിൽ!
നഗ്നനേത്ര ദൃഷ്ടിയിൽ പതിയാത്ത മഹാമാരി ഉലകത്തെ വിഴുങ്ങിയപ്പോഴും
ശത്രു തൻ തന്ത്രവുമായി എൻ
വാതിലിൽ മുട്ടിയപ്പോഴും
ഞാൻ ഇന്നും ജീവിക്കുന്നു
അവന്റെ ചങ്കിലെ ചുടു ചോരയിൽ!
എൻ പാദങ്ങളെ അവൻ തൻ കരങ്ങളാൽ താങ്ങി
പച്ചയായ പുൽപുറങ്ങളിൽ അവൻ എന്നെ കിടത്തി
സ്വച്ഛമാം നദിക്കരയിൻ അരികെ എന്നെ നടത്തി
മുളളുകളിലെൻ പാദങ്ങൾ വെച്ചപ്പോഴും
അവൻ എൻ പാദങ്ങൾക്ക് പകരമായി നടന്നു.
ഞാൻ ഇന്നും ജീവിക്കുന്നു എൻ അത്യുന്നതന്റെ സ്നേഹത്തിൻ മറവിൽ!
ലോകത്തിൻ മോഹങ്ങൾ എന്നെ കാർന്നു തിന്നുവാൻ
അലറുന്ന സിംഹംപോൽ ചുറ്റം അലയുന്നു.
ഹേ! ജനമേ നീ ഉണരുക.
എൻ കാന്തൻ വരവിനായി ബുദ്ധിയുള്ളവളെപോൽ നിൻ വിളക്കുകൾ അണയാതെ കാക്കണേ!
ഹേ! ജനമേ വരുക.
എൻ കാന്തൻ മാർവ്വിൽ ചേർന്നിടുവാൻ നേരമായി
ഏഴു വിളക്കിൽ നടുവിൽ ശോഭയോടെ
മാറത്ത് പൊൻ കച്ചയണിഞ്ഞ് വാനിൽ വരുന്നുന്നിതാ എൻ പ്രാണനാഥൻ!
ഹേ !ജനമേ നീ അതിജീവിക്കുക!
പാപത്തിൻ മുളളുകളെ ചവിട്ടിമെതിക്ക,
കാലുകളിരുമ്പാണിയിൽ തറച്ചത് നിൻ പേർക്കല്ലേ???
നിൻ ജീവനായിട്ടല്ലയോ???
❤️❤️❤️❤️❤️❤️❤️❤️
👍👍👍
ReplyDeleteNice
ReplyDeleteGood.... 👌👌👌
ReplyDeleteGood
ReplyDeleteNyc🥰
ReplyDeleteSuper... survival 💞💞
ReplyDeleteGood. 💐
ReplyDeletenice god bless you
ReplyDeleteGood... God bless you...
ReplyDelete